sports-banner

culture-banner

economy-banner

gadaad-banner

uls-tur banner

tsag-uy banner

niigem-banner

medee-banner

гадаад

АНУ-ын одоогийн Ерөнхийлөгч Жо Байден болон Бүгд найрамдах намын өрсөлдөгч Дональд Трамп нарын сонгуулийн өмнөх анхны телевизийн “халз тулаан” зургадугаар сарын сүүлээр болох аж. Ерөнхийлөгч Байден өөрийн “X” микроблог дээр “Би CNN-ээс зургадугаар сарын 27-нд мэтгэлцээн явуулах урилгыг хүлээн авлаа.
Одоо таны ээлж ирлээ” гэж бичжээ. Харин Трампын багийнхан энэ огноотой санал нийлж байгаагаа илэрхийлсэн ч хоёроос илүү телевизийн сувгаар нэвтрүүлэх боломжийг олгох хэрэгтэй гэжээ.
Харин суддаачид “Байден, Трамп нар долоо, наймдугаар сард болох Ардчилсан болон Бүгд найрамдах намын их хурлаар аль аль нь АНУ-ын ерөнхийлөгчийн сонгуульд нэр дэвших төлөвгүй байна”

“Халз тулаан” болно DNN.mn

Словак улсын Ерөнхий сайд Роберт Фикогийн амь насанд халджээ. Тэрээр хүнд шархадсан бөгөөд биеийн байдал нь маш хүнд байгаа аж.
Эмч нар түүний амийг аврах гэж тэмцэж байгаа бөгөөд тус улсын хэвлэлүүд Фиког засгийн газрын ордноос гарч ирэхэд хэд хэдэн удаа буудаж гэдэс, гар нь шархадсаны дараа нисдэг тэргээр Банска Бистрица хотын эмнэлэгт хүргэсэн гэж мэдээлж байна. Роберт Фикогийн албан ёсны фэйсбүүк хуудсанд “Нэгэн зэрэг хэд хэдэн удаа буудуулсан учир амь насанд нь аюул заналхийлж байна” гэж бичсэн байна.

Словак улсын Ерөнхий сайдын амь насанд халджээ DNN.mn

ОХУ-ын ерөнхийлөгч Владимир Путин, БНХАУ-ын дарга Си Жиньпин нар тавдугаар сарын 16-ны пүрэв гаригт Бээжингийн Ардын их хурлын ордонд “нарийн” хэлэлцээ хийжээ.
Олон улсын хэвлэл мэдээллийн хэрэгслүүд Си Жиньпин тав дахь удаагаа ОХУ-ын төрийн тэргүүнээр сонгогдсонд нь баяр хүргэж, “Хятад, Оросын харилцаа тогтвортой байж хөгжих нь бидний улс, ард түмний язгуур ашиг сонирхолд нийцэх төдийгүй, хоёр орны төрийн тэргүүний албан тушаалд дахин томилогдсонд нь баяр хүргэв. Хятадад хийсэн айлчлал нь Путины тав дахь Ерөнхийлөгчийн бүрэн эрхийн хугацаанд хийж буй анхны гадаад айлчлал юм. Тэрээр хамгийн сүүлд 2023 оны аравдугаар сард Хятадад очжээ. Си Жиньпин “Путин бид хоёр дор хаяж 40 удаа уулзсан” гэжээ. Хятадын төрийн мэдээллийн Синьхуа агентлаг “Ийм ойр дотно харилцаа нь Орос-Хятадын харилцааны тогтвортой, хурдацтай өсөлтийн эрчмийг хадгалах стратегийг тодорхойлох боломжийг бидэнд олгодог. Энэ үр дүн тийм ч амар байгаагүй, тиймээс эмзэг хандах ёстой” гэсэн байна.
Харин Путин “Хятад улс бол Оросын худалдаа, эдийн засгийн салбарын гол түнш бөгөөд өнгөрсөн онд хоёр талын худалдааны эргэлт бараг дөрөвний нэгээр нэмэгдэж, 227 тэрбум ам.долларт хүрсэн. Барууны орнууд Оросын эргийн ажиллагаа Украинд нэвтэрч эхэлсний дараа Бээжин Москва барууны улсуудын тавьсан эдийн засгийн хориг арга хэмжээг тойрч гарахад тусалж байгаа” гэжээ.
Харин энэхүү санаа нь энэ сарын 17 хүртэл үргэлжлэх Путины айлчлал Хятадын эдийн засгийг “шороотой хутгаж” магадгүй болов. Учир нь Хятад улс Орост дрон болон бусад цэргийн бүтээгдэхүүн үйлдвэрлэхэд шаардагдах бараа нийлүүлж байгаа нь батлагдаж магадгүй болов.

ОХУ-ын тэргүүн БНХАУ-д айлчлав DNN.mn

ОХУ-ын тэргүүн Путин энэ сарын 16-17-ны өдрүүдэд Хятад улсад төрийн айлчлал хийнэ гэж Хятадын Гадаад хэргийн яамны хэвлэлийн төлөөлөгч Хуа Чуньин мэдэгдэв. Хятадын Гадаад хэргийн яамны өөр нэгэн төлөөлөгч Ван Вэньбинь уг хэвлэлийн бага хурлын үеэр “В.Путин ОХУ-ын ерөнхийлөгчийн тангараг өргөсний дараа хийж буй анхны айлчлал нь энэ болох юм” гэж онцолжээ.
Энэ онд Хятад, Оросын хооронд дипломат харилцаа тогтоосны 75 жилийн ой тохиож байгаатай холбогдуулан Си Жиньпин, В.Путин нар айлчлалын үеэр хоёр орны харилцаа, олон салбарын хамтын ажиллагаа, харилцан сонирхож буй олон улсын болон бүс нутгийн асуудлуудаар санал бодлоо солилцоно гэдгийг Ван Вэньбинь дурджээ.
Мөн Хятад улс энэхүү айлчлалын талаарх мэдээллийг тухайн үед нь танилцуулна гэдгийг тэрбээр нэмж хэлжээ.

Хойд хөршийн тэргүүн урд хөршид айлчилна DNN.mn

АНУ-ын ерөнхийлөгч Жо Байден өмнөх ерөнхийлөгч Дональд Трампын Хятадтай эхлүүлсэн худалдааны дайныг дахин сэргээж буй нь тодорхой болов.
Энэ онд нийт 18 тэрбум ам.долларын татвар урд хөршөөс авахаар болж байгаа бөгөөд үүнд Хятадын цахилгаан автомашины татварыг дөрөв дахин нэмэгдүүлж буюу 102.5 хувь болгож, цахилгаан автомашины батерей болон түүхий эд, хагас дамжуулагч, ган, хөнгөн цагаан, боомтын кран, эмнэлгийн маск гэх мэт урд хөршийн импортын бараа бүтээгдэхүүнд нэмэлт өндөр татвар ногдуулсан байна. Харин Хятад улс хариу үйлдэл үзүүлнэ гэж сүрдүүлсэн ч Цагаан ордон болон бусад эдийн засгийн шинжээчид аль аль тал энэ удаа худалдааны дайн даамжрахаас зайлсхийх болно гэж найдаж байна.
АНУ энэхүү шийдвэрээ Хятад улс өөрийн экспортын үйлдвэрлэгчиддээ улсаас татаас өгч давуу байдал бий болгож, Коммунист намын эдийн засагтаа хөндлөнгөөс оролцдогоос шалтгаалж үнэ доогуур байгаа Хятадын бараа бүтээгдэхүүний урсгалыг хязгаарлах явдал гэж мэдэгджээ.
АНУ-ын Ерөнхийлөгчийн дэргэдэх Үндэсний эдийн засгийн зөвлөлийн тэргүүн Лаел Брайнард “Хятад улс хуучин хэв маягаараа ажиллаж үйлдвэрлэлдээ нөхөн төлбөр хийж, дэлхийн зах зээлд шударга бус өрсөлдөөн бий болгон хэт доогуур үнэ бий болгож байна. Хятадууд Америкийн оюуны өмч, ноу-хауг хулгайлсаар байна “ гэж шүүмжлэв.

Худалдааны дайн дахин уугьж эхлэв DNN.mn

АНУ-ын төрийн нарийн бичгийн дарга Энтони Блинкен өчигдөр Украины ерөнхийлөгч Володимир Зеленскийтэй уулзлаа. Уулзалтын үеэр Блинкен хэлэхдээ “Удаан хүлээгдсэн АНУ-ын цэргийн тусламж хэдэн сар хойшилсны эцэст Украинд хүрч эхэллээ” гэв. 61 тэрбум ам.долларын багцад АНУ-аас зэвсэг, их бууны сум, цэргийн армийн байгууламжийг нөхөхөд шаардагдах 23 тэрбум ам.доллар багтаж байгаа юм. Украинд дэвшилтэт зэвсэг, зэвсгэлэлийн систем болон бусад дайралтаас хамгаалах төхөөрөмж авахад шаардагдах 14 тэрбум орчим ам.доллар багтаж байна.
11 тэрбум ам.доллараас илүү дүнгээр өргөн хүрээнд АНУ-ын одоогийн цэргийн ажиллагааг санхүүжүүлэх аж. Мягмар гаригт Украины ерөнхийлөгч Владимир Зеленскийтэй уулзах үеэрээ Блинкен “Тусламж замдаа гарлаа” гэж мэдэгдэв. Түүнчлэн “Тусламжийн зарим хэсэг аль хэдийнэ ирсэн, үүнээс илүү их тусламж замдаа гарсан. Энэ нь дайны талбар дахь Оросын түрэмгийллийн эсрэг бодит өөрчлөлтийг авчрах болно. Украины олон түншүүдийн хамт та бүхнийг тулалдааны талбарт амжилтад хүрэхийн тулд бид шийдэмгий байна” гэв.
&nbsp;

 АНУ-аас Украинд үзүүлэх тусламж замдаа гарлаа DNN.mn

Михаил Мишустин Оросын Засгийн газрыг 2020 оны эхнээс удирдаж байгаа билээ. Тэгвэл Владимир Путин Ерөнхий сайдаа “голын гарам” дээр сольсонгүй. Энэ тухай Москвагийн цагаар өглөөний таван цагт Төрийн Думын дарга Вячеслав Володин өөрийн Telegram сувагтаа “Владимир Путин Ерөнхий сайд Михаил Мишустиныг нэр дэвшүүлэх хүсэлтийг парламентад өргөн мэдүүлсэн”гэж мэдэгдэв.
Ихэвчлэн ийм мэдээг Кремль өөрөө албан ёсны вэб сайтдаа ажлын цагаар мэдээлдэг байсан билээ. Харин үдээс хойш Төрийн Дум Ерөнхий сайдыг батлав. Парламент дахь таван бүлгийн дөрвийнх нь депутатууд 375 саналаар Мишустиныг дахин томилохыг зөвшөөрөв. Харин Коммунист намын бүлгийн 57 депутат санал хураалтад түдгэлзсэн санал өгсөн байна. Үүний дараа Путин Мишустиныг томилох тухай зарлигт гарын үсэг зурав. Хуулиар Ерөнхий сайд хоёр долоо хоногийн дотор Холбооны зөвлөлтэй зөвшилцөж Тусгай хамгаалалтын алба, Гадаад хэргийн яам, Хууль зүйн яамнаас бусад яамдын сайдад нэр дэвшигчдийг Төрийн Думд санал болгох ёстой юм. Харин Тусгай хамгаалалтын алба, Гадаад хэргийн яам, Хууль зүйн яамны сайдыг Путин өөрөө сонгоно.
Мишустины Засгийн газар хүн ам, бизнесийг дэмжих
өргөн хүрээтэй хөтөлбөрийг санал болгож, түүнийгээ байнга өөрчилж ирсэн байдаг. Гэвч түүний энэ хөтөлбөрүүд Оросын олон компанийн үйл ажиллагааг зогсоосон бөгөөд хүн амын санхүүгийн байдалд орохоос сэргийлж чадаагүй юм. Мөн цар тахлын үеийн Оросын “спутник” вакциныг долоон удаа тариулсан гэж мэдэгдэж байсан улстөрч Жириновскийгоос авахуулаад зарим тооцоогоор сая орчим хүний аминд хүрсэн Оросын хэт их нас баралтыг бий болгосон билээ. Коронавирусийн дараа дайн эхлүүлж 2022 оны хоёрдугаар сард Орос Украин руу дайрсан.
Бүрэн хэмжээний энэ дайн барууны хориг арга хэмжээ бий болгож, Орост эдийн засгийн хямрал үүсгэсэн. Мишустин дайнтай холбоотой сэдвүүдээр цэргийн асуудал хэмээн эдийн засгийн мэдээлэл өгөхөөс тойрч ирсэн. Энэ нь ч түүний нэр хүндийг аварсан. Үүнийг Орост “хүсээгүй байгууллага”, “гадаадын агент” гэж хүлээн зөвшөөрөгдсөн ”Медуза” агентлаг “Тэр нэр хүнддээ хэт их санаа зовдог бөгөөд өөрийн имиждээ Путинд “гай” болохгүй байхаар маш болгоомжтой ханддаг” гэж бичиж байв. Мөн Орост “гадаадын агент” гэгддэг “The Bell”-ийн тэмдэглэснээр бусад албаны хүмүүсээс ялгаатай нь Мишустин Украины эзлэгдсэн нутаг дэвсгэрт хэзээ ч очиж байгаагүй аж.
Мишустины кабинет дайны үед бизнесийг дэмжих хөтөлбөрүүдийг хэрэгжүүлж Оросын эдийн засгийг цэрэгжүүлэх бодлого баримтлан дайн, цэргийн аж үйлдвэрийн цогцолбортой холбоотой эдийн засгийн салбаруудад их хэмжээний мөнгө зарцуулсан. Үүнтэй холбоотойгоор өмч хөрөнгийн дахин хуваарилалт явагдаж Мишустиний танхим Оросоос гарсан компаниуд болон зарим “үнэнч бус” бизнесмэнүүдийн бизнесийг булаан авсан билээ.Үүнийг нь Путин“Орос улс Европын хамгийн хурдан өсөлттэй эдийн засаг болсон” гэж мэдэгдсэн. Харин эдийн засагчид “Оросын эдийн засаг “хэт халалт/стагнац/” руу буюу мөхөл рүүгээ явж байна” гэж дүгнэсэн.
Мишустины Засгийн газар зэрэгцээ буюу далд гэгдэх зарим нь иргэний бараа, зарим нь цэргийн хэрэгцээний бараа нийлүүлдэг импортын сүлжээ бий болгосон. Мишустин бол яах аргагүй дайны үеийн Ерөнхий сайд мөн бөгөөд түүнгүйгээр Оросын эдийн засаг барууны хориг арга хэмжээтэй ийм үр дүнтэй тэмцэж, дайны үеийг тэсэж гарах боломжгүй байсан. Гэвч энэ амжилтын гол шалтгаан нь улсын төсвийн мөнгийг эдийн засагт асар их хэмжээгээр цутгасан явдал байв.
Харин энэ нь хөгжлийн эдийн засаг биш юм. Учир нь бүх нэр хүндтэй эдийн засагчид Орос улсын эдийн засгийн бүтэц аль хэдийнэ ноцтой гажуудсан бөгөөд барууны хориг арга хэмжээ урт хугацаандаа Оросын эдийн засгийг ихээхэн удаашруулж, технологийн хоцрогдолд хүргэнэ гэдэгт санал нэг байгаа билээ

Мишустины танхим DNN.mn

Цагаан ордны Үндэсний аюулгүй байдлын зөвлөлийн стратегийн харилцаа холбооны зохицуулагч Жон Кирби “Вашингтон Украиныг Оросын Харьков руу хийх шинэ довтолгооноос бүрэн хамгаалах чадварыг бий болгохоор цаг наргүй ажиллаж байна” гэж мэдэгдэв. Жон Кирби үүнийг “АНУ Украин улсын хоёр дахь том хот болох нэг сая хагас хүн амтай Харьков руу цохилт өгч магадгүй гэж үзэж байна.Орос улс тус хотыг ойрын зайнаас буудахаар бэлтгэж байна”гэж тайлбарлав.
Мөн Украины Батлан хамгаалах яам мэдэгдэл гаргаж, Харьков мужийн хил дээр Оросын армийн ажиллагаа эрчимжиж байгаа тухай мэдээлсэн байна. Фронтын энэ салбарт хамгаалалтыг бэхжүүлэхийн тулд нөөцийн ангиудыг тийш нь илгээсэн гэж Батлан хамгаалах яам мэдээлээд &#8220;Сүүлийн 24 цагийн турш, Волчанскийн чиглэлд дайснууд чиглүүлэгчтэй агаарын бөмбөг, их буугаар буудан өглөөний 5 цагийн үед манай хамгаалалтын шугам руу хуягт техникээр халхавчлан довтолгоон  хийсэн” гэжээ. Мөн Оросын цэргийн Telegram сувгууд “Оросын арми ОХУ-тай хиллэдэг хилээс Харьковыг чиглэн урагшилж, хил орчмын Украины Гоптовка, Красное, Пыльная, Стрелечя, Волчанск, Борисовка зэрэг суурингуудыг их хэмжээгээр буудсан” гэж мэдээлжээ.
Иймээс энэ сарын 10-нд АНУ-ын ерөнхийлөгч Жо Байден Украинд яаралтай нөхцөлөөр батлан хамгаалах бараа бүтээгдэхүүн, Батлан хамгаалах яамны үйлчилгээ, цэргийн бэлтгэлд зориулж 400 сая ам.долларын цэргийн тусламж олгох зарлигт гарын үсэг зуржээ. “Politico” цэргийн тусламжийн энэхүү багцад Америкийн цэргийн агуулахаас агаарын довтолгооноос хамгаалах “Patriot” пуужин, зенитийн пуужин, явган цэргийн байлдааны машин, “MRAP” хуягт машин, танк эсэргүүцэх “Javelin” систем болоних буу, NASAMS зенит-пуужингийн системийн сум, танк эсэргүүцэх сум, байлдааны талбарт нэн даруй ашиглах боломжтой жижиг зэвсгийг өгч байна” гэж мэдээлжээ.

Кирби: Орос Харьков руу довтолж магадгүй DNN.mn

Энэ оны гуравдугаар сард Брюссельд болсон Европын Холбооны дээд хэмжээний уулзалтын үеэр удирдагчид Оросын битүүмжилсэн хөрөнгөөс олсон ашгийг Украинд туслах зорилгоор хэрхэн ашиглах талаар нэгдсэн тохиролцоонд хүрч чадаагүй юм.
Тэгвэл Европын Холбооны улсуудын Элчин сайд нар Бельгид энэ асуудлаар нэгдсэн тохиролцоонд хүрсэн байна. Хэрэв тэдний энэ тохиролцоо Европын парламентаар батлагдвал Киев жил бүр гурван тэрбум евро буюу 3.3 тэрбум ам.доллар авдаг болох юм байна. Энэ орлогын 90 хувийг Украины Зэвсэгт хүчний хэрэгцээнд зориулж зэвсэг худалдан авахад, үлдсэнийг нь улс орноо сэргээхэд нь зарцуулахыг Европын комисс өмнө нь санал болгож байсан билээ.
ОХУ-ын Төв банкны 210 тэрбум орчим еврогийн битүүмжилсэн хөрөнгө Европын Холбооны гишүүн улсуудад өөр өөр орны дансанд янз бүрийн валютаар хадгалагдаж байгаа тул орлогын хэмжээ нь жил бүр бага зэрэг өөр гардаг юм байна.

Оросын орлогыг Украинд шилжүүлнэ DNN.mn

Кремльд Кремлийн Гэгээн Эндрюгийн танхимд “хүн, иргэний эрх, эрх чөлөөг хамгаална” гэж тангараг өргөсөн ёслол өндөрлөж Владимир Путин ОХУ-ын Ерөнхийлөгчийн албан тушаалыг тав дахь удаагаа хашихаар болов. Уг ёслолд Их Британи, Герман, Польшийн Гадаад хэргийн яамд болон Европын холбооны ихэнх орнууд ёслолд элчин сайд нараа оролцуулахгүй гэж мэдэгдсэн бол Бельги улс эцсийн мөчид уг арга хэмжээнд оролцохоос татгалзав. Европын Холбооны төлөөлөгч мөн ОХУ-д суугаа манай элчин сайд уг ёслолд оролцохгүй гэж мэдэгдсэн билээ. Ерөнхийлөгчийн Хэвлэлийн нарийн бичгийн дарга Дмитрий Песков хэлэхдээ, тэдний шийдвэр Москвагаас ямар нэгэн хариу арга хэмжээ авах шалтгаан болохгүй гэж мэдэгдэв.Харин Францын Элчин сайд Пьер Леви болон Унгар, Словак, Грек, Мальта, Кипр зэрэг орны төлөөлөгчид уг арга хэмжээнд оролцов. Мөн АНУ “Путин шударга бус хуурамч сонгуулиар томилогдож буй ч тус улсын ерөнхийлөгч мөн” гэж мэдэгдэв. Энэхүү үйлдлийг зарим олон улсын судлаачид “Оросыг ялагдан бууж өгөхдөө гэрээнд гарын үсэг зурах албаны хүнтэй байлгах гэсэн дипломат арга” гэж тайлбарлав. Учир нь АНУ-ын Төрийн Департаментын хэвлэлийн төлөөлөгч Мэттью Миллер хэвлэлийн бага хурлын үеэр Путины тангараг өргөх ёслолд АНУ-ын төлөөлөгч оролцохгүй гэж мэдэгдсэн бөгөөд “Энэ нь АНУ Путиныг хууль ёсны ерөнхийлөгч гэж үзэхгүй байна гэсэн үг үү?” гэсэн сэтгүүлчийн асуултад Төрийн Департаментын хэвлэлийн төлөөлөгч “Бид мэдээж энэ сонгуулийг чөлөөт, шударга болсон гэж үзэхгүй байна, гэхдээ Путин ОХУ-ын ерөнхийлөгч хэвээр байх болно” гэж хариулжээ.
Германы засгийн газрын албан ёсны төлөөлөгчийн орлогч Кристиане Хоффманн “Германы засгийн газар Путиныг хууль бус ерөнхийлөгч гэж үзсэн. Түүнд албан ёсоор “ерөнхийлөгч” гэж хандах уу, үгүй юу” гэсэн сэтгүүлчийн асуултад “Одоогоор бид Владимир Путинтэй ямар нэг яриа хэлэлцээ хийхгүй байгаа тул энэ асуудал үнэ цэнэтэй чухал зүйл биш” гэжээ. Харин “Deutsche Welle” хэвлэл мэдээллийн компани “Германы засгийн газрын төлөөлөгчид Путиныг ерөнхийлөгч гэхгүй, зөвхөн нэрийг нь хэрэглэх бодолтой байна” гэж мэдээлсэн байна.Учир нь Германы засгийн газрын албан ёсны төлөөлөгчийн орлогч Кристиане Хоффман “Бидний дүгнэснээр Оросын сонгууль ардчилсан биш байсан. Өрсөлдөгчдийг оруулахгүй, баривчилгаа хийж айлган сүрдүүлэх уур амьсгал ноёрхож байсан. Сонгуулийн үр дүн урьдаас тодорхой байсан. Иймээс Канцлер Олаф Шольц ч, Ерөнхийлөгч Франк-Вальтер Штайнмайер ч Путинд Оросын төрийн тэргүүний албан тушаалаа хэвээр үлдээж байгаад баяр хүргэх бодолгүй байна” гэж мэдэгдсэн бол Германы ГХЯ-ны хэвлэлийн төлөөлөгч Себастьян Фишер “Германы Гадаад хэргийн яам шударга бус сонгуулиар гарч ирсэн Путины өмнө нь ямар нэгэн тодотгол хийхгүйгээр зөвхөн нэрийг нь дурдаж байх болно” гэжээ.Үүний зэрэгцээ Берлин мөн Украины Орост эзлэгдсэн хэсэгт “сонгууль” зохион байгуулж байгааг буруушааж, зөвхөн Украин эдгээр нутаг дэвсгэрт сонгууль явуулах эрхтэй гэж мэдэгдсэн байна. Тэгвэл Их Британи өчигдөр Оросын цэргийн атташег хөөж, зарим үл хөдлөх хөрөнгийнх нь дипломат эрхийг хүчингүй болгоно гэж мэдэгдэв. Тус улсын Дотоод хэргийн сайд Жеймс Клеверли “Энэ арга хэмжээ нь Украинд хийж буй Оросын түрэмгийлэл, мөн Их Британи, Европ дахь кибер халдлага, тагнуул зэрэг бидний эсрэг хийж буй Москвагийн хорлонт үйл ажиллагааны хариу арга хэмжээ юм” гэж мэдэгдэв. Клеверли Их Британийн парламентын Нийтийн танхимд үг хэлэхдээ, “Өнөөдөр би Гадаад хэргийн сайдтай хамт ийм байдлыг тэвчихгүй гэдгээ Орост ойлгуулахын тулд багц арга хэмжээг хэрэгжүүлж байна. Орос руу илгээж буй бидний бодлого тодорхой. Энэ нь хууль бус дайныг зогсоо! Цэргээ Украинаас гарга! Бидний эсрэг явуулж буй хор хөнөөлтэй үйл ажиллагаагаа зогсоо! гэж байгаа юм. Бид Оросын цэргийн тагнуулын ажилтан болох цэргийн атташег Британиас хөөж байгаа бөгөөд тагнуулын зорилгоор ашиглагдаж байсан Их Британи дахь Сассекс дахь Оросын эзэмшилд байдаг Сиакокс Хит болон Лондонгийн Хайгейт дүүрэгт байрлаж буй Худалдаа, Батлан хамгаалахын алба гэх мэт Оросын хэд хэдэн үл хөдлөх өмчийн дипломат эрхийг цуцална. Мөн Оросын дипломатчдад виз олгоход хязгаарлалт хийх бөгөөд ялангуяа тэдний Их Британид байх хугацааг хязгаарлах болно”гэж онцлон дурдсан байна. Сайд Жеймс Клеверли мөн “Москва Лондонгийн эдгээр үйлдлүүдийн хариуд “руссофоби” гэдгээ давтан биднийг буруутгах болно. Харин бид ОХУ ямар хариу үйлдэл хийж, нөхцөл байдлыг хурцатгах эсэхийг анхааралтай ажиглаж байх болно” гэж мэдэгджээ. Үнэхээр ч ГХЯ-ны албан ёсны төлөөлөгч Мария Захарова “Лондонгийн манай цэргийн атташег хөөсөн шийдвэрт Москва зохих хариуг нь өгөх болно” гэж мэдэгджээ.

ГАДААД